Diario dunha viaxe por Namibia, na sede de ACEA

Jueves 17 de Junio de 2004

O seu fillo viviu con el os preparativos da viaxe, mapas e reunións cos amigos ó redor dun lonxano país do sur do soño de África, por iso á volta pensou nesta exposición, como un regalo. Non se trata dun traballo pensado para mostrar a realidade dun país democrático, Namibia, que segue ofrecendo uns contrastes difíciles de asumir en algúns aspectos. Trátase do relato dunha viaxe turística contada por un pai a seu fillo.

Fotografías de animais fascinantes que son a imaxe de África. Paisaxes quentes que se agarraron á retina do autor: as tormentas de area, as dunas do deserto do Namib, o río Chobe, os poboados himba. E Walvis Bay e a súa lagoa salgada cuberta de milleiros de flamingos e pelícanos.

A exposición complétase cun diario de apoio á visión fotográfica, que describe polo miúdo as rotas polas que o autor andou en Namibia, Bostwana e Zimbabwue, e o pouso de cada lugar: avións, postos de venda ambulantes, angolanos que cruzaban a fronteira para comerciar, as chozas dos poboados, etc.

Pancho Salmerón traballa na directiva da Asociación Cultural Eliseo Alonso dende a súa fundación. Coordinou a revista cultural miñota Río, e traballa como reporteiro gráfico en televisión.

Inauguración o día 18 ás 20:00 h.
Aberta ate o 27 de Xuño.
Horario: De luns a sábado ente 20 e 22 horas. Domingo de 12 a 14 e de 19 a 22 horas.
Local da Asociación Cultural Eliseo Alonso. PRaza do Correo, Goián.

Para contactar: correo@eliseoalonso.com

Redactado por Fernando Coello el Jueves 17 de Junio de 2004