"O home do tren" este xoves no cineclub Poleiro

Miércoles 3 de Noviembre de 2004

A cinta narra o encontro fortuito na estación do tren dunha pequena vila dun ladrón de bancos e un vello profesor de lingua xubilado.Os dous teñen unha gran misión dentro de tres días, un roubar un banco e o outro someterse a unha operación de corazón. A parella de actores, Jean Rochefort e Jonny Hallyday (veterano actor e cantante francés) borda os papeis que representan, dous homes que sempre soñaron con ser o que non son, cada un quere ser o outro, vivir a vida que non tivo. O profesor querería ser un aventureiro e o ladrón un home caseiro. O director, que se deu a coñecer en Europa con outra película inolvidable, O marido da perruqueira, consigue achegar ó público ás esperanzas da parella, as súas miserias, as decisións erradas e tamén os pequenos praceres da existencia. A película acadou o premio do público no festival de Venecia. Goián, 2 de novembro de 2004