Portada  Libro de visitas Imágenes Rastro Foros de debate Páginas amarillas Glosarios  
   A web na que todos colaboramos V. 4.1

Presentación do filme Santa Liberdade en Goián

Sábado 4 de Diciembre de 2004

Cartel da películaO guardés Luís Noya, testemuña directa dunha acción política espectacular.
A Asociación Cultural Eliseo Alonso presenta o filme SANTA LIBERDADE dirixido por Margarita Ledo Andión o próximo venres 10 de decembro ás 20:00 horas no auditorio de Goián.

En 1961, un grupo de antifascistas galegos e portugueses toma por asalto o trasatlántico portugués Santa María- rebautizado co nome de SANTA LIBERDADE , que con máis de mil pasaxeiros a bordo, a maioría galegos, dirixíase dende Venezuela ó porto de Vigo. Baixo as ordes de Xosé Velo, Xurxo Fernández de Soutomaior, Humberto Delgado e Henrique Galvao o comando do DRIL- Directorio Revolucionario Ibérico de Liberación- quería chamar a atención sobre as Dictaduras de Franco e Salazar.Entrada en Recife.jpg O 27 de xaneiro de 1961 o presidente Kennedy informa de que o barco foi localizado ó norte da desembocadura do río Amazonas, de que non deu ordes de abordaxe e que a VI Flota ten como misión acompañar ó trasatlántico. O SANTA LIBERDADE entra en Recife despois de que Jánio Quadros, recén nomeado presidente do Brasil, conceda o dereito de asilo e deixa libres ós militares. A prensa española destaca a confabulación masónica. A portuguesa fala de complot internacional e de acto de piratería.

Tres dos membros do comando volven a atoparse por primeira vez para ser as personaxes centrais da película. A directora recupera documentos gráficos da época e incorpora as únicas imaxes filmadas a bordo. Realizounas Luís Noya, un pasaxeiro da Guarda que estará en Goián para recordar como viviu a “Operación Dulcinea” o nome desta sorte de utopía que durante trece días protagonizan 24 anti-fascistas baixo as siglas DRIL.

O Santa María durante o secuestroMargarita Ledo Andión, Catedrática de Comunicación Audiovisual na Universidade de Compostela encargouse do guión da dirección e a montaxe. Luis Abramo Campos e Rui Poças da fotografía e Manuel Rodeiro da música. O filme acaba de presentarse en París despois de pasar pola Filmoteca Nacional, o Festival internacional de Documentarios de Lisboa, o festival Cineeuropa de Compostela e as salas de cine de Madrid e Barcelona.

Redactado por Fernando Coello el Sábado 4 de Diciembre de 2004
Comentarios
Comentar este artículo









¿Recordar estos datos?




Por favor repite la siguiente combinación de números en el cuadro inferior para comprobar que hay un "ser humano" rellenando el formulario.