Exposición de esculturas de Nando Álvarez

Jueves 26 de Mayo de 2005

Nos últimos dous anos Nando Álvarez participou en varios Simposiums internacionais de escultura como único representante español , en Arxentina, Brasil e Córdoba. A esta última cidade volverá en setembro para realizar, nun novo escontro de escultores, unha peza monumental en pedra caliza a partir dun bloque de dous metros e medio de altura.

Nando Álvarez quedou atrapado polo volume e as formas tridimensionais cando tiña quince anos no taller de Antúnez Pousa en Tomiño. Despois licenciouse en Historia da Arte e estudiou o Ciclo superior de escultura na Escola de Artes e Oficios artísticos Mestre Mateo en Santiago de Compostela. Cando rematou os estudos en Compostela volveu ó Baixo Miño colaborando con Antúnez en traballos monumentais e con Xuxo no taller de Tebra (Tomiño). Montou taller propio na casa familiar agora cheo de pezas e proxectos.

Entre os anos 1998 e 2004 recibiu diversos premios en certames de artes plásticas, simposiums e bienais en Galicia, Córdoba, Salamanca e Rosario (Arxentina).

Durante os seis anos nos que se editou Río, a revista da cultura miñota, Nando Álvarez encargouse do apartado de Arte entrevistando a artistas como Xavier Pousa, Juan Oliveira, Buciños e Silverio Rivas. Na sua obra parte de formas sinxelas, tres liñas e volume dí combinando bloques de pedra de distintas cores e distintos lugares. Gústalle que as esculturas insinúen que estean a medio camiño entre a figuración e a abstracción. Os últimos traballos son unha serie de combinacións de semiesferas de distinto tamaño que están en equilibrio. Nando Alvarez quere que o espectador busque o significado das obras, que participe nunha lectura compartida co artista, que faga traballar a imaxinación, que xogue coa obra.

Títulos e cursos realizados:

• Licenciatura en Hª da Arte: Universidade de Santiago de Compostela.
• Ciclo superior de artes aplicadas da escultura realizado na Escola de Artes e Oficios Artísticos Mestre Mateo, Santiago de Compostela

Participación en Certames e Simposiums:

• XII Encuentro Internacional de Escultura de Rosario, Arxentina. 2004 V Bienal de Escultura Mateo Hernandez, Bejar, Salamanca, Decembro 2003.
• III Simposium Internacional de Escultura do Brasil. Brusque, SC, Brasil. Nov. 2003.
• III Simposium Internacional de Escultura Carlos III, Córdoba. Abril, 2003.
• IV Bienal de Escultura Mateo Hernandez, Bejar, Salamanca, Xaneiro 2002.
• IV Certame de Artes Plásticas Cidade de Lugo. Decembro, 1998.
• Certame Galego Xuvenil de Artes Plásticas, A Coruña. VI, VIII, XII e XIII edicion. Exposicións :
• Muestra de escultores del mundo. Rosario. Arxentina, 2004.
• Quatro escultores galegos na Casa da Anta, setembro 2002, Caminha, Portugal.
• Escultura tallada Claustro de San Francisco, Ourense, xuño de 2000.
• Exposición colectiva Catro, Sala de exposicións da Escola de Artes
• Maestro Mateo. Anos 1999, 2000 e 2001. Santiago de Compostela.
• Exposición colectiva Pedra a pedra, Centro cultural de Porriño, 1999.
• Exposición colectiva FIASTA, 1998, 1999, 2001 e 2003. Goián, Pontevedra.
• Primeiro Encontro na Escultura, Tomiño, 1996.

Premios

• XII Encuentro Internacional de Escultura de Rosario, Arxentina. 2004. 2º Premio.
• III Simposium Internacional de Escultura Carlos III- Córdoba, Abril 2003. Accesit.
• IV Bienal de Escultura Mateo Hernandez- Salamanca, Decembro 2001.Accesit do xurado. VI Certame de Artes Plásticas Cidade de Lugo-Decembro 1998. 2º Premio.
• VIII Certame Galego Xuvenil de Artes Plásticas- A Coruña, Novembro 1994, 3º premio.
• VI Certame Galego Xuvenil de Artes Plásticas- A Coruña, Novembro 1992, 1º premio.

Redactado por ACEA el Jueves 26 de Mayo de 2005