Memoria histórica da Guarda: Club Sporting Guardés III

Sábado 23 de Julio de 2005

Un dos Trofeos conseguido polo Sporting Guardés en 1959. De “jersey” branco Enrique Silva Peniza, Rocha e detrás, Esteban Doiro Rodríguez, Manuel Alonso González, Ermelindo Pena Alonso, Benjamin Alvarez Portela, Eduardo Uris Guisantes, Agustin Franco Lomba, Ramón Alonso “Mon”, Javier Lomba, Santiago “O barbeiro”, Félix e varios rapaces.

CAMPIONATO COMARCAL 1969/70 de PRIMEIRA DIVISIÓN.

EQUIPOS PARTICIPANTES:

Caselas F.C.(campo de A Gándara); Coruxo F.C.(campo de O Bao); Dunas F.C.(campo de Vilameán); Deportivo Valladares(campo de A Gándara); Goian F.C.(campo de O Regatiño); Huracán (campo de San Cosme); Mondariz(campo de A Lágoa); Planeta(campo de As Pozas); San Miguel (campo de A Pirucha); Sporting Guardés(Estadio do Trega); Tide F.C.(campo de Chau Chau) e Unión Deportiva Comesaña(campo de A Xunqueira).

Estadio da Florida (Vigo). 6 setembro 1970. Gran Peña 2 – Sporting Guardés 2. Fotografía de Manuel Sobrino Sobrino. O garda redes nesta etapa era Manuel Estevez Sayanes “Estévez” de Gondomar.

Estadio do Tecla 13 setembro 1970. Sporting 0- Turista 0. Fotografía de Manuel Sobrino Sobrino.

Estadio do Tecla. Sporting 1 – Dunas 1. Fotografía de Manuel Sobrino Sobrino.

Estadio do Tecla. 31 maio 1970. Sporting 5 – Valladares 2. Fotografía de Manuel Sobrino Sobrino.

Campión: Sporting Guardés con 35 puntos; 15 encontros gañados, 5 empatados; 2 perdidos; 59 tantos a favor e 18 en contra. Colista o Goián F.C. con 3 puntos.

O Sporting Guardés con uniforme distinto o habitual un 3 de abril de 1970. Dunas 3 – Sporting 2. Fotografía de Manuel Sobrino Sobrino.

O San Miguel foi campión da Copa Comarcal vencendo ao Deportivo Valladares. O Sporting Guardés fora derrotado polo San Miguel na quenda de penaltis, despois dunha prórroga.

Fotografía propiedade de Manuel Sobrino Sobrino. 14 xaneiro 1969.  Sporting Guardés 5 – Deportivo Valladares 3.

Segundo me refire Manuel Sobrino Sobrino. Xogaron: Carlos [gardaredes], Manuel Martín Baz “Manolito; Canina; Garrincha; José Antonio; Xaraiba; Constante Rodríguez González “Tante”[gardaredes suplente];Luís Alberto Franco Lomba “Berto”; Melchor Valtierra “Peitiños”; Chicho, Manuel Sobrino Sobrino “Manolito”; José Manuel Silva[fillo de José María Silva Vicente] e Menora  José Antonio, Benito (Manolo), Melchor Valtierra “Peitiños”, [nembargantes vemos a Florencio Melero o lado de Peitiños, mais a Enrique Silva Peniza “Quique”] Garrincha e Berto. Suplentes: Constante Rodríguez González “Tante”(porteiro), Manuel Sobrino Sobrino e Menora.

Un conxunto do Sporting Guardés en 1969. Fotografía de José María Silva Vicente. Aquí aínda está Melchor Valtierra “Petiños”, finado uns meses mais tarde en accidente de motocicleta cando ía dun adestramento co Club. No campo de La Florida (Vigo).

“Peitiños”, Melchor Valtierra nado en Nigrán en 1940, xogador do Dunas de Nigrán e Sporting Guardés. Finou nun accidente de motocicleta en 1970 cando xogaba no Sporting Guardés, rapaz moi ben querido na Vila Guardesa, estaba namorado dunha rapaza do barrio de A Marina, hoxe casada fai anos.Gardamos uns gratos recordos de Peitiños a quen persoalmente admiraba polo estupendo xogador e mellor persoa. ¡que grandes encontros xogou no Estadio do Trega!.

Arbitrou o Sr. Arroyo, auxiliado por Sr. Chiarroni e Sr. Cousido.

O rematar o encontro foi entregado o trofeo de Campión Comarcal de Liga a Berto. Xogaron contra: San Miguel de Oia, Deportivo Comesaña, Deportivo Dunas de Nigrán, Mondariz, Deportivo Coruxo, Club Huracán, Deportivo Valladares, Tyde F.C, Deportivo Caselas, e  Planeta e Goián F.C , último clasificado.

Os demais xogadores foron. Andrés Amil Grova, Manuel Martín Baz, Pedrito, J. Carlos, Constante Rodríguez González “Tante”, Enrique Silva Peniza “Quique”, Marcote, Menora, Florencio Gutiérrez Melero “Melero”, Ramiro, Eduardo González Pinto “Lento” e Manuel José Fernández Gómez “Machote”.

Un conxunto do Deportivo San Lorenzo nos anos cincuenta. Neste mesmo ano 1970 o Sporting entra automaticamente na Serie A Rexional [Tempada 1970/71]. Foi eliminado da  Copa Comarcal, pasando por diversas etapas uns anos…

Club de Infantís do barrio de Ribadavila en 1.961.

O Sporting aparece mencionado no Libro Programa das Festas do Monte en 1965 cando o sábado 7 de agosto xoga no Estadio do Tecla contra o equipo GIL VICENTE F.C. de Barcelos (Portugal) na disputa do Trofeo Victoria doado pola aseguradora Assicurazioni Generali de Seguros [o axente na Guarda era Eliso Berridy] e Construcciones Martínez Cividanes.

En agosto de  1970 xoga contra o equipo Vila Praia de Áncora (Portugal), gañando por 4 a 1 con: Estevez, Martín, Vilas, Andrés Amil, Xaraiba, Chicho, Eduardo González Pinto “Lento”. Para animalos espectadores a Comisión de Festas enviou a Banda de Música ó Estadio, o final Berto Franco recibiu da Comisión o Iº Trofeo Banco Pastor de Fútbol.

CLASIFICACIÓN FINAL DA LIGA DA SERIE –A  REXIONAL 1970/71

Por primeira vez na historia do Sporting Guardés xoga na Serie A Rexional, quedando clasificado en 8º lugar con 40 puntos; 14 encontros gañados; 12 empatados; 49 tantos a favor e 52 en contra.

Campión: Sociedade Deportiva Compostela con 63 puntos; Colista: Deportivo Silva con 12 puntos.

Os dous equipos de fútbol do Sporting Guardés en 1969. Fotografía de José María Silva Vicente. Sporting Xuvenil e Sporting Guardés.

Outro conxunto do Club Sporting Guardés con Manuel Díaz González “Ligero” de presidente. O sinalado con unha “x” vermella é o amigo David Parada Fernández, sobriño de Joaquin un gran xogados dos anos setenta/oitenta.

O adestrador do equipo Sporting Guardés Xuvenil, José María Silva Vicente , o lado Francisco Rodríguez Rodríguez “Paco”[garda redes, fillo de don Francisco Rodríguez, “don Paco O Veterinario” de A Guarda que viñera de Almuñecar], é David Parada Fernández [un dos mellores defensas nados na Guarda]. Encontro de homenaxe no Estadio do Tecla por ser fichados para o equipo xuvenil do Real Club Celta de Vigo. Fotografía de José María Silva Vicente.

En 1969, ó Sporting Guardés Xuvenil quedou clasificado no Campionato Grupo XIV de 6º con 12 encontros xogados, 1 encontro gañado, 3 empatados, 8 perdidos, 10 goles a favor e 48 en contra.

En 1970 [Grupo XVIII] quedou de 4º, con 8 encontros xogados, 2 gañados, 2 empatados e 4 perdidos.

En 1971[Grupo XVIII] o Sporting quedou primeiro con 16 encontros xogados, 13 gañados, 2 empatados, 1 perdido, 54 tantos a favor e 19 en contra.

Outro conxunto do Sporting Guardés un 9 de setembro de 1971. Presidente Manuel Díaz González “Ligero”, o outro directivo é Prudencio Martínez Pena.

En 1972 [Grupo VIII] quedou 7º [por detrás do Gran Peña de Vigo], con 18 encontros xogados, 8 gañados, 4 perdidos, 9 empatados, 17 goles a favor e 44 en contra.

En 1973 [Grupo IX] quedou de 6º,con 16 encontros xogados, 7 gañados, 2 empatados, 7 perdidos.

Licencia ou ficha de Manuel Sobrino Sobrino.

En 1974 [Grupo IX] quedou de 3º con 12 encontros gañados, 1 empatado, 5 perdidos e 25 puntos.

No existen datos de 1975/76.

En 1976/77 [GrupoXXXII] quedou de 1º con 32 puntos, 15 encontros gañados, 2 empatados, 1 perdido, 59 goles a favor e 10 en contra.

Nesta tempada José María Silva Vicente obtivo a Licencia de Instructor Juvenil [adestrador xuvenil]. Foto propiedade de José María.

CLASIFICACIÓN FINAL DA SERIE –A- REXIONAL 1971/72

Campión: Gran Peña de Vigo con 61 puntos. O Sporting Guardés queda na 12ª posición con 36 puntos; 13 encontros gañados; 10 empatados; 15 perdidos; 50 tantos a favor e  51 en contra. Colista: Club Palmeira con 19 puntos.

CLASIFICACIÓN FINAL DA SERIE – A- REXIONAL 1972/73

Campión: Club Deportivo Lugo con 64 puntos. O Sporting Guardés quedou no 6º posto con 45 puntos; 20 encontros gañados; 5 empatados; 13 perdidos; 66 tantos a favor e 38 en contra.

Estadio de Barreiro (Vigo), xaneiro de 1971. Fotografía de Manuel Sobrino Sobrino. O de bigote pola esquerda é Manuel Estévez Sayanes porteiro natural de Gondomar.

CLASIFICACIÓN FINAL DA SERIE –A- REXIONAL 1973/74

Campión: Gran Peña de Vigo con 59 puntos. O Sporting Guardés quedou de 12º con 13 encontros gañados, 10 empatados, 15 perdidos, 52 tantos a favor e 58 en contra, con 36 puntos.

CLASIFICACIÓN FINAL DA SERIE –A- REXIONAL 1974/75

Campión: Arousa con 56 puntos. O Sporting quedou de 15º con 11 encontros gañados, 11 empatados,, 16 perdidos e 33 puntos.

CLASIFICACIÓN FINAL DA SERIE –A- REXIONAL 1975/76

Campión: Sociedade Deportiva Compostela con 66 puntos. O Sporting quedou de 7º con 17 encontros gañados, 5 empatados, 16 perdidos e 39 puntos.

CLASIFICACIÓN FINAL DA SERIE –A- REXIONAL 1976/77

Campión: Fabril Club deportivo con 56 puntos. O Sporting queda de 15º con 14 encontros gañados, 5 empatados, 19 perdidos e 33 puntos.

Equipo de xogadores afeccionados de Salcidos, e algúns do Castro. Fotografía de Manuel Sobrino Sobrino.Abaixo a esquerda Miguel Angel Español Otero actual presidente da Comisión de Festas do Monte. Fotografía de Feliciano González Otero. 

CLASIFICACIÓN FINAL DA SERIE –A- REXIONAL 1977/78

Campión: Alondras con 66 puntos. O Sporting quedou de 17º con 10 encontros gañados, 8 empatados, 20 perdidos e 28 puntos.

Equipo de  veteranos do Club Tamuxe en 1978. Fotografía de Manuel Sobrino Sobrino.

Nesta tempada obtivo a Licencia Provisional de Adestrador da federación Galega de Fútbol José María Silva Vicente.

Licencia provisional de Adestrador de fútbol. Propiedade de José María Silva Vicente.

Un 15 de xullo de 1982  saíu elixido presidente do Sporting Guardés [despois dunha crise de dous meses] Leoncio Rodríguez Cividanes.

Vicepresidente: Benjamin Álvarez Portela

Secretario: Manuel Benito Lomba Portela

Tesoureiro: Manuel Rolán Fernández

Vocais: Antonio Vicente Portela

Antonio Cobal Lomba

Jesús Álvarez Baz

Alejandro Martínez Martínez

Antonio Morais Martínez

Adestrador: SANO de O Porriño.

O 26 de xullo deste 1982 foi presentada ó novo equipo de futbolistas do Sporting de cara a vindeira Tempada en Serie A Preferente:

Porteiros: Sito e Roberto.

Defensas: Cayo; Julio; Germán; Alejandro; Parada; Tino; Castiñeiras; Celso e Chao.

Medios: Francisco; José Luís; Loren; Fernando e Suso.

Dianteiros: Leiviña; Jaime; Mariano; Lastra; Berto e Villa.

Baixas de xogadores no Club: Rodri; Javier; Quintana; Miguel; Benito; Puskas; Pintos; Carlos e Seijo.

O primeiro compromiso deste equipo terá lugar en Gondomar o día 30 deste mes de xullo, onde participarán nun Torneo Cuadrangular chamado “Trofeo San Benito”.

Neste ano 1982 teñen lugar as VODAS DE PRATA DO SPORTING GUARDÉS

Fotografía propiedade de Manuel Sobrino Sobrino. Presentación do Sporting Guardés en 1997.

Manuel Díaz González “Ligero”.

Como se sabe o Club Deportivo Guardés, San Lorenzo, Gimnástica Deportiva Miño, San Bernardo, Unión Guardesa, Club Sporting Guardés, San Cayetano, Alameda, Cividanes, La Guía, etc.etc., xogaron no Estadio do Tecla a partir da inauguración no 26 de agosto de 1951. Este campo propiedade dos irmáns Lomba González [ Os das Cachadas], Laureano Trigo Álvarez [ O Galo de Buxán] e Manuel Portela Lomba[Portelita] foi vendido a unha Inmobiliaria para convertelo en PERI nº 5.

O Concello de A Guarda a través de Manuel Díaz González “Ligero” tivo a oportunidade de mercalo por 25 millóns de pesetas no ano 1983/84 [ aos donos Laureano Trigo Álvarez, Andrés Raimundo Lomba González e Eduardo Portela Lomba], pero Ligero quería investir nun novo Campo Municipal é non houbo maneira de que cambiara de parecer, neste Campo Municipal de A Sangriña se investiron mais de 40 millóns de pesetas de 1985 é nun reúne ¡nin por asomo! as condicións de aforo e sobre de todo as condicións do terreo de xogo ¡ o do Estadio do Tecla foi considerado polos entendidos un dos mellores de Galicia!, nembargantes o terreo de xogo de A Sangriña…con tódolos respectos para quen lea estas liñas…¡é unha merda!, porque no lugar era un lugar onde se botaba o lixo [papeis, plásticos etc.] afundíndose o terreo, sen drenaxe e sen un sen número de condicións necesarias para un terreo onde se practica o fútbol.

Copia da portada da Escritura Notarial da Compravenda do antigo Estadio Troncoso propiedade particular de don Agustín Pena Pacheco quen vendeu os terreos para logo ser construído o ESTADIO DEL TECLA a don Laureano Trigo Álvarez “O Galo de Buxán”; don Andrés Raimundo Lomba González “Das Cachadas”, e don Eduardo Portela Lomba “Portelita” do Castro, un 8 de xuño de 195. Un ano mais tarde tería lugar a inauguración do novo Estadio.

En 1985 don Manuel Díaz González “Ligero” acabou politicamente co grande Estadio do Tecla. Como dixen a propia Directiva do Sporting Guardés dese ano 1985 axudou a pechalo por acepta-lo novo Campo Municipal de Deportes na Sangriña, campo que sigue sendo unha auténtica m……..

Nas “Estipulaciones Primera” figura que se vende por 21.000 pesetas….”en billetes de curso legal”……..unha superficie de 10.220 metros cadrados………..

D. Agustín Pena Pacheco mercara o antigo Estadio Troncoso a don Luís Fernández Domínguez por documento privado o 1º de xullo de 1942.

Cómo se sabe o Estadio Troncoso fora cedido ó Club Deportivo Guardés ca condición de que se non era usado para a práctica do fútbol revertería outra vez a propiedade de seu dono don César Troncoso e seu sobriño político don Luís Fernández Domínguez. A Guerra Civil, fusilamento de xogadores, outros deberon ir obrigatoriamente para o fronte de guerra e a xente non estaba para fútbol……

Equipo do Sporting Guardés que inaugurou o novo campo de fútbol en agosto de 1986 nas Festas do Monte. Campo de Fútbol Municipal de A Sangriña. O saque de honra foi feito por Manuel Díaz González “Ligero”.

Nunha palabra se protexeu mais a especulación urbanística que os intereses da cidadanía guardesa….é un 19 de agosto de 1985 tivo lugar a inauguración do campo de Fútbol Municipal de A Sangriña, o saque de honra foi feito por Ligero, a quen lle cabe a “honra” tamén de facer pasar a historia o ESTADIO DO TECLA, o igual que ao Alcalde daquela don Raúl González Puebla que apoiou a Ligero é ao presidente do Sporting tamén daquela don Leoncio Rodríguez Cividanes que acatou o que lle “mandaron”…é un 19 de outubro de 1986 unha pala escavadora das Cachadas eliminou con catro “buratos” o mellor terreo de xogo de Galicia.

Final de toda unha época histórica para A GUARDA e Bisbarra un 19 de outubro de 1986, cando unha pala escavadora das CACHADAS entra e destrúe o mellor terreo de xogo de Galicia. ¡A maioría dos guardeses calaron! , é o que cala “otorga”.

  Por certo que en xullo de 1982 A Corporación [C.I.G. (Grupo Independiente Guardés de Alianza Popular) con Raúl González Puebla e Manuel Díaz González ó fronte, mais U.C.D e A.D.E.G.A (Agrupación Democrática Guardesa con un falanxista cabezxa de lista)] aprobaron por unanimidade o PROXECTO DE CAMPO DE DEPORTES NA SANGRIÑA feito polo inxeneiro don Alfonso Enríquez Moure con un orzamento total de 24.720.860 pesetas….Mais tarde chegaríanse  empregar uns 42 millóns de pesetas….¿Porqué Raúl González Puebla, Ligero e Cia non buscaron os 25 millóns de pesetas para merca-lo ESTADIO DO TECLA?. ¿Había intereses creados na nova inversión oficial da Deputación? ¿Tirían que pagar de fondos propios (onde estarían) os 25 millóns?. ¿Por cantos millóns se vendería mais tarde o Estadio do Tecla……………..Eí queda isto para a reflexión pública. 

Fotografía do deportivo Guardés en 1950 no campo de O Codesal.

Abaixo ESTADIO TRONCOSO en 1934 dende O Montiño.Fotografía de Manuel Fuentes.

Selección do Baixo Miño contra Sporting Guardés 1970. Fotografía de Manuel Sobrino Sobrino.

Equipo AFERSI de veteranos no Torneo das Festas do Monte. “Torneo de Fútbol de Barrios e Empresas” que comezou no ano 1979 sendo presidente da Comisión de Festas do Monte don Francisco Ferreira González [o mesmo tempo socio da empresa de fundición AFERSI]. Trofeo “Deportes Isidro”. Fotografía de Albino Ferreira.

Fútbol Humorístico nas Festas do Monte. Xogadores do Sporting e outros veteranos “disfrazados” para facer un encontro de fútbol. Fotografía

Este é o equipo  de fútbol humorístico do Lacón que se enfrontou ó Sporting Guardés nas Festas do Monte 

Un dos conxuntos mais potentes do Sporting “nos anos de Gloria”. Adestrador José María Silva Vicente. Fotografía de Manuel Fernández Gómez.

Outro equipo do Sporting nos anos sesenta. Fotografía de Manuel Fernández Gómez.

Un conxunto do Sporting Guardés nos anos sesenta no campo de A Canosa. Fotografía de Manuel Fernández Gómez.

Remato con outra fotografía “histórica” relacionada tamén co Sporting Guardés, porque moitos alumnos do colexio dos P.P. Somascos de 1957, foron xogadores:

Primeiros alumnos de Bacharelato e Ensino Elemental Básico do Colexio P.P. Somascos sito na Praza do Reloxo en outubro de 1957 (Edificio de Os Alonso). Todos son perfectamente identificables, é algúns, por desgracia, xa non están con nós.

 

Agasallo aos fundadores do Sporting Guardés co motivo do XXX Aniversario da súa fundación propiedade de Joaquin Fernández Gómez.
Lenda: " Homenaje a los Fundadores del Club Sporting Guardés en su 30 Aniversario. La Guardia 1957-1987 . La Directiva.

Unha das últimas gamelas a vela en 1974 saíndo para “o xeito” Esperemos que o fútbol local siga colleitando éxitos cómo sardiñas, pero sobre de todo que os mais pequenos practiquen este deporte que é unha tradición na Vila Guardesa, para os que poidamos chegar a 2015 fará un século que se practica, antes con pelotas de trapo, logo de balóns coiro ( a correa de pechalo facía dano na cabeza), é hoxe con balóns que parece que voan…….

O rematar este traballo infórmome de que a actual Directiva do Club Sporting Guardés fixo entrega da documentación, contas etc.,etc., a disposición do Concello, esperemos que non pase cómo o Deportivo Guardés…..¡Que pasou a historia!…

Redactado por José A. Uris Guisantes el Sábado 23 de Julio de 2005