Portada  Libro de visitas Imágenes Rastro Foros de debate Páginas amarillas Glosarios  
   A web na que todos colaboramos V. 4.1

Charla de Agustin Ferreira na sede de ACEA dentro do ciclo "Unha Paixón"

Miércoles 3 de Mayo de 2006

O próximo venres, 5 de maio ás 20:30 horas a Asociación Cultura Eliseo Alonso programa no seu local de Goián a segunda das catro charlas do ciclo Por unha paixón Agustin Ferreira Lorenzo , fundador e presidente de ANABAM é unha das catro persoas convidadas por levar vinte anos dirixindo asociacións do Baixo Miño que son referente para os habitantes dos concellos da comarca.

O seu traballo, esforzo e “paixón polos demais” fixeron realidade tanxible valores, conceptos e ideas que, coma a solidariedade, o compromiso medioambiental ou a cooperación, hoxe, cada vez máis, non só asumimos senón que xulgamos irrenunciables. Agustín Ferreira é fundador e presidente da Asociación naturalista “Baixo Miño” dende a súa creación no ano 1985. Naceu na Guarda en 1953, é mestre e leva vinteun anos ó frente de Anabam, unha asociación pioneira en Galicia na defensa do medio ambente. Habitualmente imparte cursos sobre natureza e ten publicados numerosos artigos en prensa, revistas e boletíns. Foi cofundador da Agrupación Cultural Guardesa e actualmente é Vogal no Consello Galego de Medio Ambente e representante dos grupos ecoloxistas de Galicia no Parque Natural do Monte Aloia. Anabam promoveu e participou en numerosas campañas de defensa do río Miño, conseguiu que se preservara o esteiro do río como zona protexida , realiza os censos de aves anuais nese entorno e leva a cabo unha labor de educación ambiental orientada a escolares para aumentar a sensibilización dos habitantes da comarca co seu entorno.

Para presentar a Agustin Ferreira contaremos coa presenza do Presidente da Associaçao de Defesa do Patrimonio COREMA, José Gualdino Correia. Ámbalas duas asociacións comparten ,dende as duas beiras do Miño a preocupación polo futuro do rio e o seu entorno e teñen participado xuntas en diversas campañas de defensa ambiental como a oposición ó encoro de Sela en Arbo.

Os seguintes convidados serán tres membros da directiva da Agrupación Musical do Rosal, o 12 de maio, e José Antonio Uris, presidente de Érguete Baixo Miño, pechará o ciclo o 19 de maio.

Con estes catro testemuños directos queremos mostrar de primeira man as razóns que moveron e moven a estas persoas , coñecer os seus esforzos ,as ilusións cumpridas e as que ainda están por cumprir. Queremos que este ciclo, patrocinado por La Caixa, sexa para eles, para estes “apaixoados” unha modesta pero apaixoada homenaxe pública.

Redactado por ACEA el Miércoles 3 de Mayo de 2006
Comentarios
Comentar este artículo









¿Recordar estos datos?




Por favor repite la siguiente combinación de números en el cuadro inferior para comprobar que hay un "ser humano" rellenando el formulario.