Esta idea suxerinlla eu á asociación de comerciantes ábaco, pero estes nin sequera me responderon. A idea é moi boa, pero debo dicir que non esperaba que se chegase a tanto, no senso de que a wifi fose libre (recordemos o caso de Ponteareas).
Sería suficiente con que o concello crease unha sociedade que xestionase o proxecto e cobrase unha cantidade simbólica para mantemento, pois poderían obterse fondos dos programas Proder2 e FEDER e incluso Interreg3(colaborando con Caminha).
Esperemos que alomenos sirva para que haxa banda ancha dunha vez en todo o concello (caso de Camposancos)a pesares de non ser pública. Fan falla máis iniciativas coma esta.

¿A quen lla suxeriste? Non teño constancia diso e eu sun o encargado das relacións cos medios.
De tódolos xeitos se me houvese enterado tampouco lle vería moito futuro, porque nosas experiencias co grupo de goberno son semellantes a falar con paredes.

Enviéille-la ó correo (correo@asociacionabaco.com).
De tódolos xeitos, estou de acordo en que son coma paredes, pero máis que nada é unha proposta por se hai un goberno de esquerdas, e un medio de facer presión na xuventude para que dunha vez se animen a votar(a todos lles interesa ter internet de balde).

Propor unha rede wifi non custa cartos. Leva-la a práctica Xa é outra cousa. Cando se está na oposición, non custa moito facer ese tipo de propostas. Falar hoxendía de "dereitas" e de "esquerdas" é, na miña opinión, un prantexamento demasiado simple. Hai governos de esquerdas que actúan como se fosen de dereitas, é decir, de xeito caciquil e clientelista, e hai governos de dereitas que governan para tódolos cidadáns. Propor unha rede wifi en todo o Concello, e non propor/reivindicar/demandar - ou que se considere oportuno - unha maior dotación no Centro de Saúde de A Guarda, de medios de transporte para levar en condicións dignas, os cidadáns que precisen ser atendidos nos hospitais de referencia, somentes me parece un "brinde o sol", para tentar quedar bén. Pero xa que falamos de rede wifi, de comunicacións e demáis cousas, eu queixera plantexar algunhas preguntas:
1ª.- ¿Cándo pensan reivindicar que a radio pública que pagamos tódolos contribuintes, poida sintonizarse con calidade na Guarda?
2ª.- ¿Cándo pensan reivindicar que as principais cadeas de radiodifusión, existentes no estado español, poidan escoitarse neste fermoso - i esquecido - recuncho miñoto?
3ª.- ¿Cándo pensan propor/esixir/reinvidicar - ou o que queiran -, a retirada do Monte Santa Trega, de tódolas antenas - públicas e privadas -, con permiso e sin él, que atentan contra a paisaxe e contra o Patrimonio?
4ª.- ¿Cándo pensan propor/esixir/reivindicar - ou que o estimen oportuno -, a creación de un Refuxo para Animais Abandoados?
5ª.- ¿Cándo pensan propor/esixir/reivindicar - ou o como queiran decir -, a creación dun refuxo para peregrinos e potenciar o Camiño Portugués pola Costa ou Monacal?
6ª.- ¿Cándo pensan encarregar un estudo hidrolóxico para tentar aproveitar racionalmente os recursos hídricos no noso Concello, antes de que un día a cidade que nos suministre a auga cheirenta nos peche o grifo?
Cidadáns guardeses, esas propostas non son cuestión dos de "esquerdas" ou dos de "dereitas". Son - entre outras moitas -, cuestións que nos afectan a todos/as. Como nos afecta o "bodrio" urbanístico que están levando a cabo no entorno do Castelo de Santa Cruz, e ningén concelleiro - nin de "dereitas" nin de "esquerdas" - fixo nada por evita-la desfeita que lles deixaremos as xeracións futuras, por culpa de uns señores de "dereitas" e de "esquerdas" que teñen demostrado dabondo, non quererlle o pobo. ¡Ahí é onde se vé a inacción, o "tira pra diante", o quítate tí pra porme eu!
¡Guardeses, que ninguén nos manipule! ¡Qué ninguén se aproveite da boa fé de tódolos cidadáns! ¡Que se deixen de contos! As aberracións que están permitindo levar a cabo, non se solucionan con unha rede wifi. ¡Xa me gustaría a mín que así fose! Pra governar, si é preciso, hai que romper ovos, i eiquí coido que tododeus quer chegar a poltrona, e ao pobo "pan e circo". Como cando nos invadiron os romanos.
Non nos deixemos manipular.

Ferriños

David... Estiven repasando os correos de 'ábaco' e a min non me chegou esa mensaxe. ¿Non lla mandarias a abaco@aguarda.com? Ese enderezo canceleino cando mercamos o dominio... e que me extrana que non me chegue unha mensaxe e non me gusta nada ler que alguén nos mandou algo e nen sequera respondemos.

Ferriños, iso que comentas é moi interesante, pero creo que é mellor sitio dicilo nos foros... anímoche a facelo.
Saudos ós dous.