Un grupo de profesores do IES A Sangriña da Guarda obteñen un premio nunha convocatoria de recursos educativos innovadores.

Viernes 21 de Diciembre de 2007

O Diario Oficial de Galicia do día 18/12/2007 publicou unha orde da Consellaría de Educación e Ordenación Universitaria que resolve os premios a recursos educativos para a Sociedade da Información para profesorado de ensino non secundario financiados con fondos públicos. Os galardóns foran convocados por Educación e mais Industria no mes de xuño. Na modalidade de materiais curriculares web o 1º premio foi para o traballo : A auga, aplicacións enerxéticas na Galicia preindustrial, realizado por un grupo de profesores do IES A Sangriña da Guarda, coordinados por Antonio Lomba Baz profesor de Tecnoloxía. Os demais membros deste grupo de traballo son:

• Javier Crespo González. Profesor de Xeografía e Historia
• Francisco Vergara Leonardo. Profesor de Matemáticas.
• Ramón Quiroga Barro. Profesor de Lingua Galega
• Manuel Carrera Martínez. Profesor de Tecnoloxía
• Ramón Delgado Sotorrío. Profesor de Bioloxía e Xeoloxía

O recurso educativo premiado é o froito de tres anos de traballo e investigación deste grupo de profesores que contaron cun numeroso grupo de colaboradores. O resultado final é unha páxina web multimedia e interactiva, que emprega as últimas tecnoloxías de para a elaboración deste tipo de materiais, na que se aborda a auga e a enerxía hidráulica dende a perspectiva das distintas especialidades dos autores. A páxina pode visualizarse no enderezo:

http://centros.edu.xunta.es/iesasangrina/auga/