Portada  Libro de visitas Imágenes Rastro Foros de debate Páginas amarillas Glosarios  
   A web na que todos colaboramos V. 4.1

Deporte na Rúa este fin de semana

Jueves 5 de Junio de 2008

O concello da Guarda participará o vindeiro domingo 8 de xuño -entre as 10.00 h. e as 14.00 h.- no proxecto deporte na rúa que promove a Xunta para os concellos galegos que consideraron oportuno no seu momento adherirse á iniciativa.

No noso concello temos programadas todo tipo de actividades deportivas: fútbol, natación, ciclismo, hóquei, patinaxe, balonmán, minibasquet, xogos populares, atletismo, sendeirsmo, judo, ioga, xadrez, tenis.. que se desenvolverán en diferentes espazos abertos: na Alameda, no Codesal, no Paseo Marítmimo, na Praza de San Bento, no Estadio Municipal e no Centro Cultural.

A xornada de deporte na rúa diríxese a todos os públicos, non só ós máis pequenos, e non ten carácter competitivo senón que se pretende que os participantes coñezan todo tipo de deportes e participen nos que sexan do seu interese evitando que unicamente se dediquen durante toda a xornada á mesma actividade. A tal fin pretendemos que vaian rotando por aquelas que mellor se adapten ós intereses de cada un polo que xuntamos o calendario no que se detallan actividades, horarios e lugar de celebración. Unha vez que o coñezan serán eles mesmos ou, de seren menores, en complicidade cos pais, nais ou acompañantes, quen definan o circuito que mellor se axuste ós seus desexos.

En cada actividade estarán presentes os colaboradores necesarios que velarán para que se desenvolva coa maior corrección e para atender calquera continxencia que puidese xurdir e que repartirán entre os participantes camisetas, gorros e bebidas refrescantes.

Redactado por Satoko el Jueves 5 de Junio de 2008
Comentarios
Comentar este artículo









¿Recordar estos datos?




Por favor repite la siguiente combinación de números en el cuadro inferior para comprobar que hay un "ser humano" rellenando el formulario.