Exposición "Fortalezas do Baixo Miño"
Miércoles 18 de Febrero de 2009
A Concellería de Patrimonio, en colaboración co proxecto “CADIVAFOR: Catalogación, Divulgación e Valorización das Fortalezas Fronteirizas entre Galicia e o Norte de Portugal” está a organizar unha exposición que baixo o título “Fortalezas do Baixo Miño” estará aberta ao público dende o 14 ata o 23 de febreiro na Sala de Exposicións do Centro Cultural.
Esta mostra é un traballo patrocinado pola Unión Europea que segue criterios de catalogación establecidos pola Unesco, a través do seu organismo asesor Centro Internacional de Estudios de Fortificaciones y Apoyo Logístico (CIEFAL), responsable do proxecto e pretende a valoración do patrimonio cultural construído existente, contando cunha clara orixe na común identidade histórica e cultural local das marxes españolas e portuguesas do río Miño.
A Exposición inclúe: 15 paneis explicativos do proxecto, 1 doble proxector con visión 3D estereoscópica, 2 PCS para acceder á base de datos e ao contido dun DVD interactivo que inclúe simulacións inmersivas, modelo CAD 3D, planos e fotografías actuais e históricas das fortificacións obxecto do estudio.
O Concello da Guarda pretende con esta exposición, fomentar o interese polo patrimonio e dar a coñecer unha das fortalezas que aparecen na mostra: o noso Castelo de Santa Cruz, actualmente en obras e futuro Centro de Interpretación das Fortalezas Fronteirizas.
Redactado por Fernando Coello el Miércoles 18 de Febrero de 2009