30 aniversario dos Concellos Democráticos
Miércoles 15 de Abril de 2009
O vindeiro domingo 19 de abril, ás 12,30 horas, no Centro Cultural, vaise celebrar, como acordara a Xunta de Portavoces, un acto cívico conmemorando o 30 aniversario dos Concellos Democráticos e no que se honrará ás 72 persoas que formaron parte das 8 corporacións que houbo dende o 1979.
O pasado día 3, como xa é coñecido, celebrouse un acto máis restrinxido coa presenza dos 13 guardeses que conformaron a corporación do 79. Agora trátase dun acto ó que están invitados os 72 representantes públicos ou as familias daqueles que xa faleceron. A pretensión é darlle o recoñecemento que se merecen a unhas persoas que, con erros e acertos, fixeron todo o que estivo nas súas mans por mellorar a calidade de vida dos seus veciños.
Ó longo do acto, e entre outras cousas, tomará a palabra o Alcalde e unha persoa que noutrora formou parte da corporación e que falará en nome dos homenaxeados.
Quero recordar ademais que se trata dun acto público e aberto a toda a cidadanía, polo que aproveito para invitar ó mesmo a todas aquelas persoas que teñen interese en asistir.
Redactado por Redacción el Miércoles 15 de Abril de 2009