Nova tempada do cineclube Poleiro

Lunes 5 de Octubre de 2009

Están á venda os bonos de socio do cineclub Poleiro do ciclo cinematográfico outono-inverno que se proxectará no auditorio de Goián. Cinco películas que nos deixarán reflexións sobre temas universais como a educación, a inmigración, os abusos ou o amor.

• O xoves 8 de outubro proxectaráse a primeira das películas elexidas, a cinta francesa La Clase, (Entre les murs) a quinta longametraxe do director Laurent Cantet. Un traballo premiado coa Palma de ouro en Cannes 2008.

• O primeiro xoves de novembro, o día 5 está programada The Visitor, o segundo traballo do americano Tom McCarthy, director tamén de Station Agent.

• O xoves 3 de decembro , La Teta Asustada, unha cinta dirixida pola peruana Claudia LLosa e rodada nos barrios máis pobres de Lima. Oso de Ouro á mellor pelicula no Festival de Berlín e premio Internacional da crítica FIPRESCA.

• O xoves 14 de xaneiro de 2010, La Escafandra y la mariposa, dirixida polo artista polifacético Julián Schnabel. Ganadora de dous Globos de Ouro á Mellor película estranxeira e Mellor Director e catro candidaturas ós Oscar.

• O xoves 4 de febreiro, unha traxicomedia romántica co producida por varios países europeos, Irina Palm dirixida por Sam Garbarski.

-Os pases, no auditorio de Goián ás 21:30 horas. -O bono para as cinco películas custa 10 euros -O cineclub Poleiro conta co apoio da Concellería de Cultura do Concello de Tomiño e a Federación de Cinclubes de Gaicia.

O cineclub Poleiro mantivo a actividade no cine Avenida da Guarda entre 1998 e 2005 ata que pechou a última sala de cine do Baixo Miño. No 2008 retomou aos ciclos no Auditorio de Goián, dotado polo Concello de Tomiño cun equipo de proxección, son e pantalla.

Para máis información: Ramón Álvarez 629735337