O Concello da Guarda anima a acudir ao Certame de Bandas de música
Lunes 5 de Octubre de 2009
O Concello da Guarda poñerá un autobús a disposición da Agrupación Musical da Guarda con motivo da súa participación, o día 2 de outubro, no IX Certame Provincial de Bandas de Música que se celebrará o próximo fin de semana no Pazo da Cultura de Pontevedra.
O pasado día 20 de setembro celebrouse no colexio dos PP Somascos un concerto de preparación para o certame de Bandas de Música, responsables da banda aproveitaron a ocasión para pedir aos asistentes que acudiran a Pontevedra o día 2 de outubro a animar aos nosos músicos. Isto moveu aos representantes municipais a decidirse a costear un autobús, facéndose eco da solicitude da banda aos pais e simpatizantes da Agrupación para que acudan ao certame.
Animamos dende aquí a todos aqueles que queiran asistir ao certame de bandas a que se poñan en contacto ca Agrupación Musical da Guarda para seren informados.
Confiamos que a nosa novel Banda o faga todo o ben que sabe e que despois de tantas horas de ensaio e tantos sacrificios dos seus músicos teña o seu merecido recoñecemento neste certame.
A Agrupación Musical da Guarda participará na categoría correspondente a sección terceira que corresponde a bandas ata 45 músicos.
Redactado por Redacción el Lunes 5 de Octubre de 2009